Nigeriyanın Nasarava əyalətində müğənni Timileine Ajayi bir qızı öldürüb meyitini parçalamaqda şübhəli bilinərək həbs edilib.
Lent.az-ın məlumatına görə, bu barədə BBC News xəbər verir.
Məlumata görə, Ajayi ruhani xristian musiqisinin janrı olan İncil müğənnisi kimi tanınır. O, şübhəli davranışına görə yaxalanıb. Ajayinin qəribə çantasını görənlər polisə müraciət ediblər. Polis onu saxlayıb və çantasında 24 yaşlı Salome Adaydunun kəsilmiş başını tapıb. Qızın qalan hissələri müğənninin evində aşkarlanıb.
Ajayinin qurbanı Milli Gənclik Xidməti Korpusunun üzvü olub. Adaydunun rəfiqəsi jurnalistlərə bildirib ki, anası faciəli xəbəri eşidəndən sonra huşunu itirib. O, hadisədən bir az əvvəl ərini, indi də qızını itirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
