“Bu, dəhşətli strategiyadır”: Pentaqonun rəhbəri Putinin səhvindən DANIŞDI

Rusiya qoşunları bütün cəbhə xətti boyunca hücum əməliyyatlarını davam etdirir, Xarkov istiqamətində xüsusilə fəallaşıblar.

Lent.az-ın xarici mediaya istinadən xəbərinə görə, ABŞ-ın müdafiə naziri Lloyd Ostin qeyd edib ki, Putin 19-cu əsrin ruhunda Ukraynaya qarşı işğalçılıq müharibəsi aparır, lakin Ukrayna Silahlı Qüvvələri döyüşdə yenilik və məharət nümayiş etdirir və geri çəkilmək niyyətində deyil.

Onun sözlərinə görə, indi Putinin ordusu Ukraynanın suveren ərazisinə nəzarəti ələ keçirmək üçün daha bir cəbhə açıb, işğalçılar kəndləri dağıdıb, dinc sakinləri öldürür və mühüm infrastruktur obyektlərini, xüsusən də elektrik stansiyalarını atəşə tutur. Bu, ukraynalılar üçün çətin döyüşdür, lakin rus əsgərləri “Putinin təcavüzünün ağır bədəlini ödəyir”.

Lloyd Ostin, ABŞ-ın müdafiə naziri

Lloyd Ostin qeyd edib ki, Putin sonda yeni hücum əməliyyatının təzyiqi altında Ukraynanın yıxılacağına və Təmas qrupunun (Ramştayn-22) parçalanacağına inanmaqla səhv edir. Ukrayna hərbçiləri indi öz həyatları və azadlıqları üçün mübarizə aparır və bu, onlara “ədalətli iş üçün strateji üstünlük” verir.

ABŞ müdafiə naziri bildirib ki, Rusiya lideri Ukraynaya qarşı müharibədə dəhşətli strategiya seçib, lakin Ukrayna Silahlı Qüvvələri döyüş meydanında məharət nümayiş etdirir, müttəfiqlərin və tərəfdaşların onlara verdiyi imkanlardan məharətlə istifadə edir.