Almaniyanın Dorsten-Holsterhausen (Şimali Reyn-Vestfaliya) şəhərində meşə yolunda qadın və uşaq meyiti tapılıb.
Lent.az xarici mediaya istinadla bildirir ki, polisin sözlərinə görə, meyitlərin üzərində zorakılıq əlamətləri olub.
Yerli qəzetin məlumatına görə, ölən ananın 25-35, uşağın isə iki-üç yaşı var. Həmçinin bildirilir ki, ananın meyitində kəllə-beyin xəsarətləri aşkarlanıb.
Qeyd olunub ki, üç gün əvvəl cəsədlərin tapıldığı yerdə quldurluq hadisəsi olub. 40 yaşlı qadın və bir yaşlı uşağı iki kişinin hücumuna məruz qalıb.
Cinayətkarlar qadının əl çantasını qaçırmağa çalışıb, sonda onun sırğalarını oğurlayıb və BMW “X6” markalı avtomobillə qaçıblar. Polis hadisə ilə bağlı şahidləri axtarır və hazırda iki insident arasında əlaqəni araşdırır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
