Türkiyə hökuməti Telman İsmayılovun bazarındakı 2 milyardlıq türk malına sahib çıxdı

Putinin Ankara səfərindən sonra 2 milyard dollarlıq yeni bazar söz verilib

Azərbaycanlı iş adamı Telman İsmayılovun Antalyada 1,4 milyard dollarlıq “Mardan Palace” oteli inşa etdirdikdən sonra bağlanılan “Çerkizov” bazarında girov qalan türk mallarının çıxarılması işinə Türkiyə hökuməti qarışıb. Lent.az-ın “stargazete”yə istinadən verdiyi məlumata görə, ixracatçılara Rusiya baş naziri Vladimir Putinin Ankara səfərindən sonra 2 milyard dollarlıq yeni bazar söz verilib. Türkiyədəki dəri materiallarından paltar hazırlayan dərnəyin (TDKD) rəhbəri Ramazan Xəzər 2 milyard dollarlıq türk malının satışa çıxarıldığı “Çerkizov” bazarının bağlanmasından sonra çətin vəziyyətdə qaldıqlarını xatırladaraq “Türkiyənin Nazirlər Kabinetindən axırıncı dəfə bildirildi ki, bizə dəymiş zərərin aradan qaldırılması üçün işlər görülür və bu, qısa müddətdə başa çatacaq” – deyə, dərnək rəhbəri bildirib.