Binada diri-diri yananların sayı  53 nəfərə çatdı
16 noyabr 2010 12:17 (UTC +04:00)

Binada diri-diri yananların sayı 53 nəfərə çatdı

Noyabrın 15-də Şanxayda yanan 28 mərtəbəli binada ölənlərin sayı 53 nəfərə çatıb. Lent.az-ın “Sinmin vanbao” qəzetinə istinadən verdiyi məlumata görə, 156 ailənin yaşadığı göydələndə 90 nəfər yanıq xəsarəti alıb, onların 70-i xəstəxanada yerləşdirilib.


Qeyd edək ki, binada yanğın saat 14:30 radələrində başlayıb. Yanğının söndürülməsinə 25 yanğınsöndürmə birqadası, 61 maşın cəlb edilib. 3 vertolyotla binanın damına çıxaraq xilas olmağa çalışan insanlar daşınıb.


Araşdırma zamanı məlum olub ki, təmir olunan binada yanğın qaynaqçıların səhvi ucbatından baş verib. Qaynaqçıların bu işdə çalışmaları üçün müvafiq lisenziyaları olmadığı da üzə çıxıb. 4 nəfər həbs olunub.
# 310

Oxşar yazılar