Niyə insanlar aşiq olsalar belə aldadırlar? - Elm adamlarının qəribə kəşfi

Heç kimə sirr deyil ki, öz yarını sevən kişi (qadın) aldada bilir. Son vaxtlara qədər elm adamları bunun niyə baş verdiyini və sevgililəri aldatmağa sövq edən səbəbləri başa düşmürdülər.

Lent.az xarici KİV-ə istinadən xəbər verir ki, Kaliforniya Dövlət Universitetinin əməkdaşları bu suala cavab axtarıblar.

Mütəxəssislərin araşdırmalarına görə, romantik münasibətlərin səviyyəsi sevgililərin şüuruna təsir etmir və evlilik sədaqəti baxımından heç bir təminat vermir. Bir insan aldatmaq qərarına gəlsə, onu dayandırmaq olmaz. Cütlüyün münasibəti nə qədər gözəl olsa da. Məsələ burasındadır ki, qərar şüursuz qəbul edilir və nəticə daxili motiv, münasibətdən, fərdin mənəvi keyfiyyətlərindən asılıdır. Yəni xəyanət sevginin, intim münasibətlərin və ya ehtirasın olmamasından təsirlənmir.

Tədqiqatçılar bu qənaətə 2000 evli könüllü arasında keçirilən sorğular zamanı gəliblər. Məlum olub ki, insanı aldatmaqdan saxlayan yeganə amil mövcud münasibətə sadiqlikdir. Bu halda zina riski 78% azalır. Qalan şərtlər ər-arvadın sədaqətinə heç bir təsir göstərmir.