Maşınını ayılardan xilas etməyə çalışdı, az qala öləcəkdi -VİDEO

71 yaşlı kaliforniyalı kişi qarajına girən ayıların səsinə oyanıb. Dördayaqlı heyvanlar, ehtimal ki, yemək axtarmaq üçün maşına minməyə çalışıblar, lakin kişi “çağırılmamış qonaqları” qovmağa cəhd edib.

Lent.az-ın xarici mətbuata istinadla xəbərinə görə, görüntülər ayının açıq qaraja girməsi və maşına minməyə cəhd etməsi ilə başlayır. Qapını açıb maşına girir, görünür, yemək axtarır.

Başqa bir kadrda, Kaliforniyanın Saus Leyk Taho bölgəsində, kişinin həyat yoldaşının müşahidə kamerasında gördüyü "qarajda ayı" olduğunu deyərək, onu təcili ayağa qalxmağa çağırdığı eşidilir. Kişi tez ayağa qalxır və içəri girənləri qovmaq üçün qaraja gedir.

Daha sonra videoda ayını maşından uzaqlaşdırmağa çalışan kişinin yüksək səslər çıxardığı görünür. O, minik maşınından geri çəkilir, lakin fərqli kamera bucağından onun yanında daha iki bala olduğu aydın olur. Hansısa anda yetkin ayı (ehtimal ki, balaların anası) kişiyə doğru sürətlə qaraja daxil olur.

Lakin o, tezliklə balalarını da götürərək oranı tərk edir. Qarajdakı kameradan çəkilmiş kadrlardan görünür ki, kişi yetkin ayını qovarkən, ayı balası hələ də içəridə olur. Kişi də onu qovmağa çalışır, lakin buna cavab olaraq yetkin ayı cəld ona tərəf yönəlir.

Amerikalı təqib edilməmək üçün cəld maşının qapısını ayının üzünə çırpıb və maşından uzaqlaşıb. Belə görünür ki, yaşına baxmayaraq, onun çevik hərəkətləri ona nəhayət, çağırılmamış qonaqlardan qurtulmağa imkan verib.