Turistlərin İtaliyanın Kapri adasına girişi “təhlükəli sağlamlıq və gigiyena vəziyyəti” səbəbindən müvəqqəti olaraq qadağan edilib.
Lent.az xəbər verir ki, bu barədə "Daily Express" yazır.
Nəşrin məlumatına görə, məşhur Avropa kurort su təchizatı ilə bağlı problemlərdən əziyyət çəkib. Bu səbəbdən adanın meri Paolo Falko turistlərin Kapriyə girişinin dərhal məhdudlaşdırılmasını əmr edib.
"Sağlamlıq və gigiyena vəziyyəti partlayıcıdır, biz əks tədbirlər gördük, böhran bölməsini işə saldıq və məhdudlaşdırıcı əmr verdik" dedi.
Mənbənin sözlərinə görə, problemlər adanın asılı olduğu materikdə su təchizatında nasazlıq səbəbindən yaranıb. Onun bəzi ərazilərinin tamamilə susuz qaldığı dəqiqləşdirilir. Merin əmri ilə adaya biletlərinin satışı dayandırılıb və bu, Kapriyə gedə biləcəyiniz Neapol limanlarında böyük növbələrə səbəb olub. Üstəlik, səlahiyyətlilər adaya gedən bütün gəmiləri dayandırıb, onları materikə qayıtmağa və sərnişinləri endirməyə məcbur edib.
Bildirilib ki, su təchizatında yaranan problem aradan qaldırıldıqdan sonra adaya giriş yenidən təmin edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
