Hava limanlarında təhlükəsizlik nəzarəti bir çox turist üçün səyahətin ən xoşagəlməz mərhələsi olaraq qalır. Bəzi hallarda sərt və uzun prosedurlar səbəbindən sərnişinlər hətta öz uçuşlarını belə qaçırır. Reddit istifadəçilərinin paylaşdıqları təcrübələr isə müxtəlif ölkələrdə tətbiq olunan təhlükəsizlik qaydalarının necə fərqləndiyini açıq şəkildə göstərir.
Çin: maksimum nəzarət və çoxmərhələli yoxlamalar
Lent.az xarici mediaya istinadla xəbər verir ki, bir istifadəçi ən çətin təhlükəsizlik təcrübəsini Çində yaşadığını bildirib.
Onun sözlərinə görə, ölkənin hava limanlarında sərnişinlər ayrıca otaqlarda genişmiqyaslı yoxlamalardan keçirilir, əşyalar əl ilə detallı şəkildə açılıb-yoxlanılır, hərəkət trayektoriyası boyunca çoxlu sayda kamera nəzarəti mövcuddur.
İstifadəçi vurğulayır ki, Çində sistem elə qurulub ki, sərnişin praktiki olaraq tam nəzarət altında olur.
İsrail: təhlükəsizlik yoxlaması terminala girməzdən əvvəl başlayır
Bir çox Reddit istifadəçisi İsrail hava limanlarını dünyanın ən sərt təhlükəsizlik sisteminə sahib ölkələrindən biri adlandırıb. echocharlieone adlı istifadəçi bildirir ki, təhlükəsizlik səviyyəsi dünya standartlarından xeyli yüksəkdir, İsrailə uçan təyyarələrdə belə əlavə yoxlamalar keçirilir, ölkədən çıxış zamanı yoxlama terminalın girişindən öncə başlayır.
Başqa bir istifadəçi qeyd edib ki, hava limanına 3 saat əvvəl gəlsə də, uzun prosedurlar səbəbindən reysinə gecikib və bunun nəticəsində 800 dollar zərər görüb.
Digər istifadəçiyə isə təhlükəsizlik əməkdaşları uzun müddət suallar verib, qaldığı şəxslə əlaqə saxlayaraq məlumatları dəqiqləşdirib və daha sonra səbəb açıqlamadan əlavə otaqda təkrar yoxlamadan keçiriblər.
Kolumbiya: sərnişinləri divara düzərək kütləvi yoxlama
Bir nəfər də Kolumbiyanın Boqota hava limanında yaşadığı stresli anları təsvir edib. Onun sözlərinə görə sərnişinlər təyyarəyə miniş koridorunda dayandırılıb, Bhər kəs çantasını yerə qoyub divar boyunca düzülməyə məcbur edilib, kişilər və qadınlar ayrılıb və hamı əllərini yuxarı qaldıraraq divara söykənmiş vəziyyətdə gözləyib.
Daha sonra polis itləri baqaj və sərnişinləri araşdırıb, zirehli polis qüvvələri isə əlavə yoxlama aparıblar. İstifadəçilər bunun xüsusi əməliyyat məlumatları ilə bağlı ola biləcəyini ehtimal ediblər.
Hindistan: elektronikanın ən sərt yoxlandığı ölkə
Digər şəxs Hindistanda tətbiq olunan təhlükəsizlik qaydalarını “ən yorucu” adlandırıb. O bildirib ki, bu ölkədə bütün elektronika, telefon, planşet, noutbuk, adapter, elektrik diş fırçası, hətta bıçaq üçün elektrik ülgücü belə, çantalardan çıxarılmalıdır. Səyahətçilər çox vaxt hansı cihazı hara qoyduqlarını xatırlamadıqları üçün əlavə gecikmələr yaşayıblar.
Qalapaqos: ekoloji təhlükəsizlik səbəbilə xüsusi nəzarət
Bir nəfər qeyd edib ki, Qalapaqos adalarında təhlükəsizlik nəzarəti ekoloji qorunma məqsədi daşıyır. Onun sözlərinə görə terminala gedən yolda hər kəs dezinfeksiya avadanlığından keçməlidir, adaya çatan kimi bütün çantalar xüsusi itlər tərəfindən yoxlanılır.
Səyahətçilərin fikri: sərt nəzarət təhlükəsizliyin ayrılmaz hissəsidir
Müzakirədə istifadəçilər bildiriblər ki, sərt təhlükəsizlik tədbirləri bəzən narahatlığa səbəb olsa da, ölkələrin təhlükəsizlik siyasətinin ayrılmaz hissəsidir və çox vaxt ciddi əməliyyat məlumatlarına əsaslanır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
