Dünyanın 25 ən təhlükəsiz aviaşirkəti: SİYAHI

Aviasiya təhlükəsizliyi saytı AirelineRatings 2025-ci il üçün dünyanın ən təhlükəsiz 25 aviaşirkətinin reytinqini dərc edib. O, həm müntəzəm, həm də ucuz hava yollarını təqdim edir.

Lent.az-ın xarici mediaya istinadla xəbərinə görə, bu cür reytinqlər sərnişinləri daha sakit hiss etməyə imkan verir. Çox vaxt daha az təhlükəsiz kimi qəbul edilən bir çox aşağı büdcəli aviaşirkətlər yüksək yerlərdə qərarlaşıb.

2025-ci ildə ən təhlükəsiz hava yolları bunlardır: Air New Zealand, Qantas, Cathay Pacific, Qatar Airways, Emirates, Virgin Australia, Etihad Airways, ANA, EVA Air, Korean Air, Alaska Air, Turkish Airlines, TAP Portugal, Hawaiian Airlines, American Airlines, SAS, British Airways, Iberia, Finnair, Lufthansa/Swiss, JAL, Air Canada, Delta Airlines, Vietnam Airlines və United Airlines.

“AirelineRatings.com”un baş direktoru Şeron Petersen qeyd edib ki, Air New Zealand və Qantas arasında fərq çox kiçikdir - cəmi 1,5 bal. Onun sözlərinə görə, bu şirkətlərin hər biri ən yüksək təhlükəsizlik standartlarına riayət edir. Bununla belə, Air New Zealand onu “Qantas”dan fərqləndirən daha gənc donanma saxlayır.

Ötən illə müqayisədə bir sıra ciddi dəyişikliklər baş verib. Reytinqə ilk dəfə Iberia və Vietnam Airlines daxil olub. Korean Air ilk 10-luğa yüksəlib, keçən il siyahıda olan Singapore Airlines və KLM isə son hadisələrə görə bu dəfə siyahəya düşə bilməyib.

Ən təhlükəsiz 25 aşağı büdcəli aviaşirkətə gəlincə, siyahıya daxildir: Hong Kong Express, Jetstar Group, Ryanair, EasyJet, Frontier Airlines, AirAsia, Wizz Air, VietJet Air, Southwest Airlines, Volaris, FlyDubai, Norwegian, Vueling, Jet2, Sun Country Airlines, WestJet, JetBlue, Air Arabia, Indigo, Eurowings, Allegiant Air, Cebu Pacific, Zipair, SkyAirlines və Air Baltic.

Bu ilki dəyişikliklərə “Hong Kong Express”in də birinci yerə əlavə edilməsi daxildir. Bu, heç bir ciddi insident olmadan əla təhlükəsizlik rekordu sayəsində mümkün olub. Zipair, Jet2 və Air Baltic də siyahıya əlavə edilib.

Reytinqlər son iki ildə baş verən ciddi insidentlər, donanma yaşı, donanmanın həcmi, insidentlərin tezliyi, ölüm halları, gəlirlilik və digər amillər daxil olmaqla bir neçə göstəriciyə əsaslanır.