Zaqatala, Cəlilabad, Kürdəmir və Şəkidə şəhidlər dəfn edildi -  FOTO  - YENİLƏNİB
14 sentyabr 2022 12:26 (UTC +04:00)

Zaqatala, Cəlilabad, Kürdəmir və Şəkidə şəhidlər dəfn edildi - FOTO - YENİLƏNİB

Ermənistanın dövlət sərhədində törətdiyi genişmiqyaslı təxribatın qarşısının alınması zamanı şəhid olan Azərbaycan Xüsusi Təyinatlı Qüvvələrin gənc zabiti, 1999-cu il təvəllüdlü Zaqatala rayon Yuxarı Tala kənd sakini leytenant Ömərov Sərxan Mübariz oğlunun cənazəsi bu gün doğulduğu Zaqatala rayonunun Yuxarı Tala kəndinə gətirilib.

Lent.az-ın APA-ya istinadla məlumatına görə, Sərxan Ömərovun yaşadığı evdə təşkil olunan vida mərasimində onun ailə üzvləri, yaxınları, Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, Zaqatala Rayon İcra Hakimiyyətinin əməkdaşları, rayon ictimaiyyətinin nümayəndələri və yerli sakinlər iştirak ediblər.

***

12:11

Ermənistan silahlı qüvvələrinin bölmələri tərəfindən törədilən təxribatın qarşısını alarkən şəhid olan Həsənov Səid Sarıbala oğlunun nəşi ailəsinə təhvil verilib.

Lent.az-ın APA-ya istinadla xəbərinə görə, Cəlilabad rayonunun Əsədli kənd sakini, 1992-ci il təvəllüdlü S.Həsənovun nəşi doğulduğu kəndə gətirilib.

Onun nəşi Əsədli kəndində torpağa tapşırılıb.

Qeyd edək ki, şəhid Səid Həsənov nişanlı idi.

Xatırladaq ki, Xüsusi Təyinatlı Qüvvələrin giziri Səid Həsənov 44 günlük Vətən müharibəsində də böyük şücaət göstərib və "Döyüşdə fərqlənməyə görə", "İgidliyə görə", "Şuşanın azad olunmasına görə", "Füzulinin azad olunmasına görə" və "Cəbrayılın azad olunmasına görə" medalları ilə təltif edilib.

***

Ermənistanın təxribatı nəticəsində şəhid olan Kürdəmir rayonunun Dəyirmanlı kənd sakini, 1991-ci il təvəllüdlü XTQ-nin giziri Nəzər Ağacəlil oğlu Əzizov son mənzilə yola salınıb.

Lent.az-ın APA-ya istinadla xəbərinə görə, şəhid Nəzər Əzizovun yaşadığı evdə təşkil olunan vida mərasimində onun yaxınları, rayon icra hakimiyyətinin əməkdaşları, rayon ictimaiyyətinin nümayəndələri və yerli sakinlər iştirak ediblər.

Cənazə namazı qılındıqdan sonra şəhidin ruhuna dualar oxunub. Daha sonra şəhid Nəzər Əzizov rayonda yerləşən Şəhidlər xiyabanında dəfn olunub.
Qeyd edək ki, sentyabrın 12-də gecə saatlarında Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədib. Bu təxribatın qarşısının dərhal alınması məqsədilə Azərbaycan Ordusunun bölmələri tərəfindən görülən təxirəsalınmaz tədbirlər nəticəsində döyüş toqquşması baş verib. Nəticədə Azərbaycan Ordusunun şəxsi heyət arasında itkilər var, hərbi infrastruktura ziyan dəyib. Təxribata cavab nəticəsində ilkin məlumata görə, Ermənistan tərəfi 150-200 hərbçi itirib, yaralıların sayı bundan bir neçə dəfə çoxdur.

***

Azərbaycan Ordusunun əsgəri, 2003-cü il təvəllüdlü Şəki rayonu Kiçik Dəhnə kənd sakini Nihad Mehman oğlu Qasımovun cənazəsi bu gün doğulduğu Şəki rayonu Kiçik Dəhnə kəndinə gətirilib.

Nihad Qasımovun yaşadığı evdə təşkil olunan vida mərasimində onun ailə üzvləri, yaxınları, Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, Şəki Rayon İcra Hakimiyyətinin əməkdaşları, rayon ictimaiyyətinin nümayəndələri və yerli sakinlər iştirak ediblər. Cənazə namazı qılınıb, şəhidin ruhuna dualar oxunub, "Şəhidlər ölməz, Vətən bölünməz" şüarı səsləndirilib.

Şəhid Nihad Qasımov doğulduğu Kiçik Dənhə kəndinin inzibati ərazisindəki Şəhidlər xiyabanında dəfn olunub. Şəhidin cənazənin üzərindəki üç rəngli Azərbaycan bayrağı onun atasına təqdim olunub.

# 2430
avatar

Oxşar yazılar

Zirəddin Rzayev

Gələn il Bakıda dəhşətli hadisə olacaq - Zirəddindən qorxulu proqnoz Lent.az-da

5 dekabr 2022 , 17:02
Eşitmə məhdudiyyətli uşaqlar üçün xüsusi tədbir keçirildi®

Eşitmə məhdudiyyətli uşaqlar üçün xüsusi tədbir keçirildi®

5 dekabr 2022 , 13:54
Zirəddin Rzayev

Zirəddin İranla bağlı PROQNOZ VERDİ: "Hakimiyyət dəyişikliyi və ..."

5 dekabr 2022 , 13:25
Sabah  güclü qar yağacaq   - HAVA PROQNOZU

Sabah güclü qar yağacaq - HAVA PROQNOZU

5 dekabr 2022 , 13:10
Bu ərazilərdə 17 dərəcə şaxta olub -  FAKTİKİ HAVA

Bu ərazilərdə 17 dərəcə şaxta olub - FAKTİKİ HAVA

5 dekabr 2022 , 13:05
Yollar  buz BAĞLAYACAQ   - XƏBƏRDARLIQ

Yollar buz BAĞLAYACAQ - XƏBƏRDARLIQ

5 dekabr 2022 , 12:14
Füzuli Musayevin 60 illiyinə həsr olunmuş karate üzrə seminar KEÇİRİLİB - FOTO

Füzuli Musayevin 60 illiyinə həsr olunmuş karate üzrə seminar KEÇİRİLİB - FOTO

5 dekabr 2022 , 11:59
Bakıya qar yağacaq -  PROQNOZ

Bakıya qar yağacaq - PROQNOZ

5 dekabr 2022 , 11:33