TQDK kolleclərə sənəd verən əvvəlki illərin məzunlarına müraciət etdi

Ümumi orta təhsil bazasında (9 illik) kolleclərə sənəd vermiş əvvəlki illərin məzunu olan abituriyentlər “İmtahana buraxılış vərəqi” ni çap etməlidirlər. Tələbə Qəbulu üzrə Dövlət Komissiyasından Lent.az-a verilən xəbərə görə, ümumi orta təhsil bazasında (9 illik) kolleclərə sənəd vermiş və iyunun 29-da qəbul imtahanında iştirak edəcək abituriyentlər Buraxılış vərəqini çap etmək üçün https://www.e-gov.az/az/services/read/2516/1 keçidinə daxil olmalıdır.

“İmtahana buraxılış vərəqi”i və şəxsiyyət vəsiqəsi imtahana gələn zaman mütləq abituriyentlərin üzərində olmalıdır.

Göstərilən sənədlərdən biri olmasa və ya onlar arasında uyğunsuzluq olarsa abituriyent imtahana buraxılmayacaq.