TQDK  Apelyasiya Komissiyası yaratdı
15 mart 2015 17:06 (UTC +04:00)

TQDK Apelyasiya Komissiyası yaratdı

Tələbə Qəbulu üzrə Dövlət Komissiyası 2015/2016-cı tədris ili üçün baza ali tibb təhsili əsasında rezidentura səviyyəsinə qəbul imtahanının bu gün keçirilmiş birinci mərhələsində iştirak edən namizədlərə müraciət edib. TQDK-nın mətbuat xidmətindən Lent.az-a verilən məlumata görə, imtahanın birinci mərhələsi ilə (baza fənləri üzrə) əlaqədar namizədlərin müraciətlərinə baxılması üçün TQDK-da Apelyasiya Komissiyası yaradılıb.

 

Apelyasiya komissiyası Bakı şəhəri, Abdulvahab Salamzadə küçəsi, 28 ünvanında (Bakı Asiya Universitetinin binasında) fəaliyyət göstərir. Namizədlər Apelyasiya Komissiyasına 16-18 mart 2015-ci il tarixlərində saat 10-dan 17-dək şəxsiyyəti təsdiq edən sənədin əslini təqdim etməklə şəxsən müraciət edə bilərlər. 

# 67
avatar

Oxşar yazılar