Təhsil Nazirliyində son bir ildə 5 yeni şöbə yaranıb

Təhsil Nazirliyində son bir ildə beş şöbə yaradılıb. Bu barədə Lent.az-a nazirliyin mətbuat xidmətindən məlumat verilib. Mikayıl Cabbarov təhsil naziri təyin edildikdən sonra nazirlikdə İnformasiya şöbəsi, Tədris resursları şöbəsi, İnsan resursları şöbəsi, Daxili nəzarət şöbəsi, İlk peşə və orta ixtisas təhsili şöbəsi yaradılıb.

Nazirliyin məlumatında qeyd olunur ki, nazirlik tərəfindən təhsil sistemində şəffaflığın təmin edilməsi, müasir idarəetmə modelinin tətbiqi, kadr potensialının səriştə baxımından gücləndirilməsi sahəsində bir sıra tədbirlər həyata keçirilib.