Təhsil naziri: “Müəllimlərin maaşları artırılmalıdır”

“Azərbaycanda müəllimlərin maaşları artırılmalıdır. Lakin bunun nə qədər və necə edilməsi əsasdır”. Lent.az-n məlumatına görə, bunu təhsil naziri Mikayıl Cabbarov bildirib. M. Cabbarovun sözlərinə görə, maaşların artırılması ilə bağlı əsas məsələ məktəb direktorları ilə əlaqədardır: “Onlar müəllimlər qədər maaş alırlar, amma üzərilərində çox böyük yük var. 2000 şagirdi olan məktəbin direktoru daha az şagirdi olan məktəb direktoru ilə eyni maaşı alır. Bu isə düzgün deyil. Görünür, bizim ödəmə sistemində bir problem var. Biz tərkibində müəyyən çatışmazlıq olan sistemi daha da çətinləşdirmək istəmirik. Nazirlik bu istiqamətdə müvafiq qurumlarla işlər aparılır. Düşünürük ki, bu sahədə gələcəkdə uğur qazanacağıq”.
Nazir qeyd edib ki, ödənişləri artıran zaman bunun gələcək fəsadları düşünülməli və mövcud təhsil sisteminin çatışmazlıqları nəzərə alınmalıdır.