Sevinc Vaqifqızı ilə "Ana xəbər" bloku – 2 Aprel
02 aprel 2015 20:15 (UTC +04:00)

Sevinc Vaqifqızı ilə "Ana xəbər" bloku – 2 Aprel

GÜNÜN ŞƏRHİ
 
Türkiyəni hədəfə almaq qlobal enerji layihələrini hədəfə almaqdır. Dövrün Türkiyə yorumu budur. Bu Türkiyə indi sanki 80-ci illərə qayıdıb. Yaxud da Türkiyəyə 80-ci illərin qayıda biləcəyi mesajı verilir. Paradoks da budur - əgər indiki texnoloji imkanlar o zaman olsaydı, nə ASALA, nə DHKP-C, nə PKK Türkiyənin mərkəzində at oynada bilməzdi. Bəs indi, 2015-ci ildə dövlətlərin imkanlarının bu qədər genişləndiyi dövrdə necə olur ki, İstanbulun mərkəzində bütün dünyaya səs salan terror aktları törədilir? Bu, dövlətin zəifliyindən irəli gəlmir, bu, Türkiyəyə qarşı daha güclü dövlətlərin oynaması deməkdir. İndiki dövrdə DHKP-C kimi sol qruplar təkbaşına, özbaşına iş görə bilməzlər, əgər arxalarında daha böyük güc, Türkiyədən böyük güc dayanmasa... Türkiyədən böyük güc isə supergüc, fövqəlgüc dövlətləridir. Ankaraya 80-lər mesajı hansı dövlətin verdiyini iddia yox, təxmin etmək olar. Son 20 ildir ki, terrorçu fəaliyyət dünyada stabillik üçün əsas təhdidə çevrilib. Adı dillər əzbəri olan Əl-Qaida, İŞİD kimi terror təşkilatlarının əslində hansı dövlətlərin layihəsi olduğunu zaman ortaya çıxıb. Ad çəkməyə nə gərək var? 

# 141
avatar

Oxşar yazılar