“Prezident İlham Əliyevin “Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş şəxslərin və şəhid ailələrinin sosial-məişət şəraitinin yaxşılaşdırılmasına dair əlavə tədbirlər haqqında” sərəncamı qeyd olunan təbəqələrdən olan vətəndaşların sosial müdafiəsinin gücləndirilməsi, onların sosial-məişət şəraitinin yaxşılaşdırılması istiqamətində növbəti mühüm irəliləyişlərə nail olunmasını təmin edir”. Bunu Lent.az-a açıqlamasında Əmək və Əhalinin Sosial Müdafiəsi Nazirliyinin şöbə müdiri Elman Babayev bildirib. O qeyd edib ki, bu sərəncam ötən ilin dekabr ayı da daxil olmaqla dövlət başçısı tərəfindən sosial cəhətdən həssas əhali qruplarının, o cümlədən əlilliyi olan şəxslərin sosial rifah halının yüksəldilməsi məqsədilə imzalanan artıq 10-cu sənəddir. “Sərəncam icra hakimiyyətlərində yaşayış sahəsinə ehtiyacı olan qismində növbəyə dayanan, ümumilikdə 5731 nəfər Azərbaycanın ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş şəxsin və şəhid ailəsinin 2014-2018-ci illər ərzində mərhələli şəkildə mənzil və ya fərdi evlə təmin olunmasını nəzərdə tutur. “Sərəncama uyğun olaraq, ƏƏSMN müvafiq tədbirlər planı hazırlayaraq, prezidentlə razılaşdırmaqla həyata keçirəcək”.
O qeyd edib ki, yerli icra hakimiyyəti orqanları ƏƏSMN-nin müraciəti əsasında əlil və şəhid ailələri üçün fərdi ev tikintisinin aparılması üçün torpaq sahələrinin ayrılmasını təmin edərək, bu barədə ölkə prezidentinə məlumat verəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
