Səbailli gənclər Daxili Qoşunların hərbi hissəsində olub

Respublika günü ərəfəsində Səbail rayon İcra Hakimiyyəti və rayonun sıx dostluq və əməkdaşlıq əlaqələri olan Daxili İşlər Nazirliyinin Daxili Qoşunları ilə birgə «N» saylı hərbi hissədə tədbir keçirilib. Lent.az-ın məlumatına görə, Səbail rayon rəhbərliyi və Daxili Qoşunlar Komandanlığının qatıldığı tədbirdə rayon ictimaiyyəti, rayondakı ali məktəblərinin tələbələri, orta məktəblərin yuxarı sinif şagirdləri və Daxili Qoşunların şəxsi heyəti iştirak ediblər. Əvvəlcə qonaqlar vətənimizin torpaqlarının qorunması və azad olunması uğrunda gedən döyüşlərdə həlak olmuş Daxili Qoşunların nümayəndələrin şərəfinə ucaldılmış abinə önünə gül dəstələri qoyublar. Sonra tələbə və şagirdlər, müəllimlər Səbail RİH başçısı Asif Əsgərov və Daxili Qoşunların Komandanının I müavini - qərargah rəisi, general-mayor Şirin Xəlilovun iştirakı ilə hərbi hissənin əsgər yataqxanasına və xidmət otaqlarına baxıblar.

Daha sonra xüsusi təyinatlı dəstə üzvləri tərəfindən bir sıra xüsusi əməliyyat səhnələri nümayiş etdirilib. Hərbi hissənin sıra meydanında keçirilən toplantıda çıxış edən Səbail RİH başçısı Asif Əsgərov ilk öncə tədbir iştirakçılarını Respublika günü münasibəti ilə təbrik edib. A.Əsgərov bildirib ki, bu kimi tədbirlərin gənclərin hərbi-vətənpərvərlik tərbiyəsində mühm rol oynayır, onların hərbi xidmətə hazırlığı işlərində mühüm əhəmiyyət kəsb edir və Səbail rayonu ilə DİN Daxili Qoşunlar arasındakı dostluq əlaqələrin daha da möhkəmlənir. Bakı şəhəri üzrə Təhsil İdarəsinin rəis müavini Hüseyn Əsgərov da hərbi hissənin şəxsi heyətini və iştirakçıları Respublika günü münasibəti ilə təbrik edərək əsgərlərimizə xidmətdə uğurlar arzulayıb. Daxili Qoşunların Komandanının I müavini - qərargah rəisi, general-mayor Şirin Xəlilov da çıxış edərək vətəni sevməyi, dövlətimiz naminə gəncləri hər bir fədakarlıqlara hazır olmağı əsgərlərə və digər gənclərə tösiyyə edib.

Bundan sonra qonaqlar və hərbi hisənin şəxsi heyəti üçün birgə nahar süfrəsi təşkil olunub.