Məktəbəqədər yaşda olan zəif və tez-tez xəstələnən uşaqların sağlamlığının möhkəmləndirilməsi məqsədi ilə sanator tipli bağçaların yaradılması və inkişaf etdirilməsi üzrə tədbirlər həyata keçiriləcək. Lent.az-ın məlumatına görə, bu barədə 2014-2025-ci illəri əhatə edən “Azərbaycan Respublikasında əhali sakinliyi və demoqrafik inkişaf sahəsində Dövlət Proqramı”nda qeyd olunub.
Sənədin icrası İqtisadiyyat və Sənaye, Səhiyyə nazirliklərinə, o cümlədən yerli icra hakimiyyəti orqanlarına tapşırılıb. Görüləcək işlərə uyğun olaraq, istifadəyə verilmiş yeni sanator tipli bağçaların sayı da nəzərə alınacaq.
Tədbirlər planı 2014-2015-ci illəri əhatə edəcək.
Orta təhsil müəssisələrində təhsil alanlarda onurğa sütunu xəstəliklərinin, görmə və maddələr mübadiləsi pozuntularının profilaktikası üzrə tədbirlər də həyata keçiriləcək. Bununla bağlı Təhsil və Səhiyyə nazirliklərinə tapşırıq verilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
