Tovuzda Ermənistanla ön cəbhədə “Bir millət iki dövlət” tədbiri keçirilib. Lent.az-ın məlumatına görə, tədbirdə millət vəkili Qənirə Paşayeva, Türkiyənin Azərbaycandakı Səfirliyinin mədəniyyət müşaviri Seyid Əhməd Arslan, TRT Bakı ofisinin rəhbəri Əmrah Timuçin Yazıcı iştirak ediblər. Millət vəkili Q. Paşayeva iki qardaş ölkə arasında bütün istiqamətlərdə yüksək səviyyədə əməkdaşlığın olduğunun sevindirici olduğunu qeyd edib.
Seyid Əhməd Arslan bu cür tədbirlərin işğaldan azad edilən Azərbaycan torpaqlarında, Qarabağda keçirilməsinin ən böyük arzularından olduğunu deyib.
TRT Bakı ofisinin rəhbəri Əmrah Timuçin Yazıcı TRT kanalının hər zaman qardaş Azərbaycanın yanında olduğunu bildirib.
Sonda xidmətində fərqlənən əsgər və hərbçilərimizə qiymətli hədiyyələr və millət vəkili Qənirə Paşayevanın müəllifi olduğu kitablar və Azərbaycan həqiqətlərinə dair material, kitablar hədiyyə edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
