Əmək və Əhalinin Sosial Müdafiəsi Nazirliyinin Bakı Protez-Ortopedik Bərpa Mərkəzinin mütəxəssislərindən ibarət səyyar tibbi-texniki briqadası tərəfindən Beyləqan rayon mərkəzi xəstəxanasında həmin rayonda və ətraf rayonlarda yaşayan əlillərə səyyar protez-ortopedik bərpa xidmətinin göstərilməsinə başlanıb. Bu barədə Lent.az-a nazirlikdən məlumat verilib.
Gün ərzində ümumilikdə 50 nəfərdən çox əlil vətəndaşa xidmət göstəriləcək və bununla da artıq həmin vətəndaşların protez-ortopediya məmulatları ilə təmin olunmaq üçün uzaq yol qət edərək paytaxt Bakı şəhərinə gəlməsinə ehtiyac qalmayacaq.
Dekabrın 21-də isə digər tibbi-texniki briqada Saatlı rayon mərkəzi xəstəxanasında olacaq. Yaradılmış iki briqada tərəfindən bölgə üzrə ümumilikdə 100 nəfərdən artıq əlil şəxs qeyd olunan xidmətlərlə təmin ediləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
