“Yeni Üfüq” Mənəvi İrsin Təbliği İctimai Birliyi müqəddəs Qurban bayramı münasibətilə cəbhə xəttində bayram aksiyası keçirib. İB-dən Lent. az-a verilən məlumata görə, təşkilatın rəhbərliyi Ağdamın Quzanlı, Çəmənli və Tərtərin Həsənqaya kəndlərində olublar.
“Qazi Qarabağ” azanı səsləndikdən sonra tədbirdə iştirak edən Qarabağ Seyid Ocaqlarının təmsilçisi Seyid Camal Əzimbəyli, İB-in sədri Sevinc Əzimbəyli, təşkilatın sədr müavini Xanım Qasımova və gənclər şöbəsinin rəhbəri Elvin Süleymanov çıxış edərək bayram münasibətilə şəhid və qazi ailələrini təbrik ediblər.
Tədbir çərçivəsində İB-in dəstəyilə Quzanlı kəndində eytiyacı olan Qarabağ qazisinə əlil arabası hədiyyə edilib. Eləcə də Həsənqaya kəndində şəhid ailələrinə və məktəblilərə Bakı Atatürk liseyinin, Nizami rayonu 220 saylı məktəbin şagirdlərinin və digər xeyirxah insanların hədiyyələri təqdim edilib, əhaliyə qurban əti paylanılıb
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
