Bəzi mehmanxanalara dərəcə sertifikatları verilib

Mədəniyyət və Turizm Nazirliyi 17.04.2014 - 17.04.2017 müddətinə “Fairmont Baku” mehmanxanasına 5 + ulduz, “Qafqaz Point Hotel” mehmanxanasına 5 ulduz, “Astoria Baku”, “Modern Hotel” və “Çıraq Plaza” mehmanxanasına 4 ulduz dərəcə sertifikatları verib. Nazirlikdən Lent.az-a verilən məlumata görə, mehmanxana və mehmanxana tipli obyektlərdə göstərilən xidmətlərin müvafiq tələblərə və standartlara uyğunluğunu yoxlamaq və müəyyən etmək məqsədilə Mədəniyyət və Turizm Nazirliyi tərəfindən mehmanxanaların təsnifatı aparılır.

Təsnifat Avropanın bir çox ölkələrində tətbiq olunan "Hotel Stars Criteria 2010-2014"ə uyğun hazırlanmış "Mehmanxana və mehmanxana tipli obyektlərin təsnifatı, ulduz kateqoriyaların müəyyənləşdirilməsi və qiymətləndirilmədə meyarların tətbiq edilməsi barədə" AZS 745-2012 Dövlət Standartına uyğun həyata keçirilir. 2015-ci ildə Bakıda I Avropa İdman Oyunlarının keçiriləcəyini nəzərə alaraq, bu sahədə müvafiq işlər görülür.