Bakının mərkəzi küçələrindən biri bağlanıb

Bakının mərkəzi yollarından biri bağlanıb. Nəqliyyat Nazirliyi “Azəryolservis” ASC-nin mətbuat xidmətinin rəhbəri Pünhan Mürsəliyev Lent.az-a bildirib ki, Həsən Əliyev küçəsinin Koroğlu Rəhimov küçəsi ilə kəsişməsindən Atatürk prospekti ilə kəsişmədəki tunelin çıxışınadək olan 300 metrlik hissədə təmir işləri aparılır: “Dünən yolda hərəkət dayandırılmadan asfalt-beton örtüyünün qaşınması işi həyata keçirilib. Aprelin 7-nə keçən gecə isə yolda nəqliyyatın hərəkəti dayandırılıb və asfalt örtüyünün vurulmasına hazırlıq işinə başlanılıb. Yaxın 5-6 gün ərzində yeni asfalt örtüyü vurulmaqla yol sürücülərin istifadəsinə veriləcək”.