Bakı Metropoliteninin rəisi Zaur Hüseynov növbəti kadr dəyişikliyi barədə əmrlər imzalayıb. Lent.az-ın modern.az-a istinadən verdiyi məlumata görə, metropolitenin Nərimanov adına elektrik deposunun rəisi Vaqif Hüseynov tutduğu vəzifədən azad edilib.
V.Hüseynov 2004-cü ildən elektrik deposunun rəisi vəzifəsində işləyirdi. O, keçmiş rəis Tağı Əhmədovun kadrlarından sayılırdı.
Metropolitendən bildirilib ki, Z.Hüseynovun əmri ilə “Nərimanov” elektrik deposuna yeni rəis təyinatı da gerçəkləşib. Bu vəzifəyə Söhrab Ağamirzə oğlu Mirzəyev təyin edilib. Bu təyinatadək o, metropolitenin birləşmiş emalatxanalarının baş mühəndisi işləyib.
Birləşmiş emalatxanalarının baş mühəndisi vəzifəsinə isə Naqib Kazımovu təyin edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
