Bu gün Azərbaycan prezidenti yanında Gənclər Fondunun maliyyə dəstəyi ilə həyata keçirilən “Mədəni dəyər anlayışı gənclərin gözü ilə” layihəsinə yekun vurulub.
Lent.az-ın verdiyi məlumata görə, layihənin məqsədi yeniyetmə gənclərin mədəni dəyər prinsiplərinin formalaşması, mədəni dəyər təsəvvürlərinin genişləndirilməsi və bunun onlara aşılanması olub. Bu məqsədlə Bakı şəhəri ərazisində yerləşən on məktəbdə yuxarı sinif şagirdlərinə mühazirələr oxunub, təqdimatlar keçirilib.
Məktəblilərin və müəllimlərin iştirak etdiyi tədbirdə mövzu ilə bağlı ekspertlər - əməkdar incəsənət xadimi Şeyx Əbdül Mahmudbəyov, əməkdar rəssam Həsənağa Məmmədov və əməkdar incəsənət xadimi, şair Baba Vəziroğlu gənclərə öz tövsiyələrini verib, təkliflərini səsləndiriblər.
Tədbirin sonunda yeniyetmələrin mövzu ilə bağlı hazırladıqları məruzələrə, təqdimatlara baxış olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
