“Dövlət İmtahan Mərkəzi (DİM) tərəfindən göstərilən təhsil xidmətləri ƏDV-dən azad olunub”.
Bu barədə DİM-dən ONA-nın sorğusuna cavab olaraq deyilib.
Bildirilib ki, ali təhsil müəssisələrinə tələbə qəbulu, ali təhsil müəssisələrinin və Azərbaycan Milli Elmlər Akademiyasının magistraturalarına, rezidenturaya qəbul imtahanları təhsil xidmətlərinə aid olduğundan, həmin imtahanlarda iştirak üçün ödənişlər ƏDV-dən azaddırlar.
DİM-dən onu da qeyd ediblər ki, yalnız dövlət qulluğu ilə bağlı imtahan qiymətlərinə ƏDV tətbiq edilib.
Qeyd edək ki, bu ilin mart ayından DİM ƏDV ödəyicisi kimi qeydiyyatdan keçib. Buna görə də dövlət qulluğu üzrə imtahanların tarif qiymətlərinə ƏDV tətbiq edilib.
Aprelin 1-dən dövlət qulluğu üzrə imtahanların qiyməti vəzifə qrupları üzrə aşağıdakı kimi təsdiq edilib:
AA - 129 AZN
AB - 118 AZN
AC - 106 AZN
BA - 94 AZN
BB - 82 AZN
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
