«The Economist» jurnalının illik nəşri Azərbaycanda dərc olunacaq

Dünyaca məşhur «The Economist» jurnalının gələn illə bağlı «Dünya 2014» («The World in 2014») illik hesabatının ölkə üzrə buraxılışı çap olunacaq.

Bu, ilk Azərbaycan lisenziyalı nəşrin «Dünya 2014» adlı bələdçisini artıq yanvar ayından etibarən yerli köşklərdən almaq mümkün olacaq.

«APA-Economics»in məlumatına görə, ilk dəfə olaraq 27 il öncə nəşr olunmuş «The World In» bələdçisi «The Economist»in qarşıdan gələn ilə damğasını vuracaq hadisə və tendensiyaların illik proqnozudur. «The Economist»in illik nəşrinin başlıca məqsədi qlobal gələcəyi proqnozlaşdırmaqdır. Jurnal siyasət, biznes, mədəniyyət və texnologiya dünyasının məşhur simaları (məsələn, Almaniya kansleri Angela Merkel, Böyük Britaniyanın baş naziri Devid Kameron və BMT-nin Baş Katibi Ban Ki-Mun ) ilə yanaşı «The Economist»in redaktorları tərəfindən yazılır.

Jurnalın Azərbaycan nəşrinə həmçinin ölkə ilə bağlı xüsusi bölmə daxil olacaq ki, burada müvafiq bölmələrin müəllifləri kimi nüfuzlu siyasətçilər, biznes və akademik müəssisələrin liderlərinin adına rast gəlinəcək.

«Azərbaycanın media məkanı reallıqla qarşılaşır. İlk dəfə olaraq Azərbaycanın KİV bazarına dünyaca məşhur və nüfuzlu nəşr olan «The Economist» daxil olur», - deyə naşir və «The Economist»in Azərbaycanda rəsmi lisenziya sahibi olan «GT Group» şirkətinin baş meneceri George Şaraşidze bildirib. Onun sözlərinə görə, belə layihələr Azərbaycanın sürətli inkişaf yolunda xüsusi əhəmiyyətə malikdir: «Azərbaycan mediası ümumilikdə Azərbaycan ən yüksək keyfiyyətə malik çağdaş peşəkar media məkanının bir hissəsinə çevrilir».

Qeyd edək ki, bu gün, dekabrın 20-də «Fairmont Baku» hotelində «The Economist» jurnalının Azərbaycandakı rəsmi və lisenziyalı təmsilçisi «GT Group» və «The World In 2014/Azerbaijan»ın baş sponsoru olan «Paşa Bank» ASC bu layihənin təqdimatı ilə bağlı ziyafət təşkil edəcək.