89048 abituriyent ərizəsini təsdiq etdirib

Bu il ali məktəblərə qəbul imtahanlarında iştirak etmək istəyən 89048 abituriyent ərizəsini təsdiq etdirib. Bu barədə Lent.az-a Tələbə Qəbulu üzrə Dövlət Komissiyanın mətbuat xidmətindən məlumat verilib. Həmin abituriyentlərdən 80665 nəfəri Azərbaycan bölməsinin, 8383 rus bölməsinin payına düşür.

Hazırkı vaxta qədər ən çox ərizəsini təsdiq etdirən I qrup üzrə hazırlaşan abituriyentlərdir. Belə ki, adıçəkilən qrup üzrə 28962 (rus bölməsi üzrə 2974), II qrup üzrə 19133 (rus bölməsi üzrə 2503), III qrup üzrə 22215 (rus bölməsi üzrə 2075), IV qrup üzrə isə 10355 (rus bölməsi üzrə 831) abituriyent ərizəsini təsdiq etdirib.

Qeydə edək ki, 2014/2015-ci tədris ili üçün universitetlərə və kolleclərə qəbul imtahanlarında iştirak etmək üçün sənəd qəbuluna ayrılmış vaxt sabah başa çatır. Ötən ilə nisbətən ali məktəblərə ərizə qəbulunun sayında müəyyən azalma müşahidə olunur.