“Müddətli əlilliyi olan vətəndaşlara müraciət etmək istəyirəm ki, əlillik müddətlərinin bitmə vaxtını unutmasınlar”.
Lent.az xəbər verir ki, bunu Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyinin sədri Anar Bayramov mətbuat konfransında bildirib.
O qeyd edib ki, 2016-cı ildə heç bir müayinə keçirilmədən əlilliyi olan şəxslərin əlillik müddəti 5 il uzadılıb:
"Bu səbəbdən müəyyən vətəndaşlar müddəti diqqətdən qaçırırlar. Ona görə müraciət edirəm ki, əlillik müddəti bitməmiş tibb müəssisəsinə müraciət etsinlər.
Əlilliyi olan şəxslərin hüquqları ilə bağlı qanuna müvafiq dəyişiklik aparılır, buna əsasən əlilliyi olan şəxslər hətta müddət bitəndən gecikib 6 ay sonra müraciət etsə də, ona əlillik müraciət etdiyi vaxtdan yox, əlillik müddəti bitdiyi dövrdən təyin edilir.
Yəni, əlillik müddəti bitəndən 6 ay sonra da müraciət etsələr, əvvəlki itirilmiş dövrün təqaüdünü də alacaq, heç bir itki olmayacaq. Son 3 ildə sosial ödənişlər 60 faiz artıb, burada 2,4 milyard manatdan söhbət gedir".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
