Şamaxıda müəllim şagirdi buna görə DÖYÜB - TƏFFƏRRÜAT

Şamaxıda müəllimin şagirdi döyməsi ilə bağlı xəbər vermişdik.

Lent.az hadisənin təfərrüatlarını araşdırıb.

Araşdırma zamanı məlum olub ki, hadisə Şamaxı şəhər 3 saylı tam orta məktəbdə qeydə alınıb.

Regional Təhsil İdarəsinin İctimaiyyətlə Əlaqələr üzrə məsul şəxsi Anar Osmanov Lent.az-ın sorğusuna cavabında qeyd edib ki, hadisə ilə bağlı araşdırma aparılır.

İddiaya görə, məktəbin 7-ci sinif şagirdi Rəvan İsayev tarix müəllimi Təranə Əsgərova tərəfindən döyülüb:

“Şagird deyir ki, hadisə tənəffüs zamanı baş verib. Sinif yoldaşı Elşənlə birgə şkafa girən Rəvan İsayevi tarix müəllimi Təranə Əsgərova döyüb. Rəvan deyir ki, müəllim onu dəmir çubuqla çoxlu vurub. Şagirdin iddiasına görə, müəllim hətta onu başqa otağa apararaq təhqir edib və şiddət göstərib.

Müəllim isə bunun əksini deyir. Deyir ki, heç bir şiddət göstərməmişəm. Rəvanın anası gəlib direktor otağında müəllimə ilə əlbəyaxa dava edib. Hazırda bu iddia ilə bağlı araşdırma aparılır. Araşdırma bitsin nəticəsi barədə məlumat veriləcək”.