Qalmaqallı məktəbdə "PATI" SATILIR?  DİN-dən REAKSİYA - YENİLƏNİB
26 yanvar 2022 22:35 (UTC +04:00)

Qalmaqallı məktəbdə "PATI" SATILIR? DİN-dən REAKSİYA - YENİLƏNİB

Daxili İşlər Nazirliyi 165 saylı orta məktəbdə narkotik satılması ilə bağlı yayılan iddialara cavab verib.

Nazirliyin mətbuat xidmətinin şöbə rəisi, polis mayoru Elşad Hacıyev Lent.az-a bildirib ki, faktsız olan bütün iddialar əsassızdır:

"Konkret fakt verən yoxdur. Danışırlar, yazırlar ki, məktəbdə "patı" var, "patı" satırlar. Polis münəccimlik etməlidir? Faktsız olan bütün iddiallar əsassızdır. 

Məktəbi, təhsili, müəllimi qorumaq hər bir vətəndaşın təməl vəzifəsidir".

Qeyd edək ki, sözügedən məktəbin direktor müavini mediaya açıqlamasında nalayiq hərəkətlər etməsi ilə bağlı görüntüləri yayılan şagirdin məktəbə "patı" gətirib satdığını deyib.

***

Saat 18:51

Şagirdlərin tərbiyəsizlik etdiyi orta məktəblə bağlı şok faktlar yayılıb.

Lent.az-ın məlumatına görə, 165 nömrəli tam orta məktəbin təlim-tərbiyə işləri üzrə direktor müavini Validə Ağalarova “Bizimyol.info”ya açıqlamasında bildirib ki, həmin görüntülərdə olan şagirdlə bağlı əvvəllər də dəfələrlə polis idarəsinə müraciət edilib: “Bu uşaq polislərin nəzarətində olan, çətin tərbiyə olunan uşaqdır. Həmin şagird bir müəllim yox, neçə-neçə müəllimlərin başına oyun açıb. Bu uşaq məktəbə siqaret gətirib uşaqlara paylayır. Hətta “patı” gətirib satdığı deyilir. Biz bu barədə dəfələrlə müvafiq orqanlara məlumat vermişik. Hətta sənədləşdirib, Qubada çətin tərbiyə olunan uşaqların oxuduğu məktəbə göndərmək istəyirdik. Pandemiya düşdüyü üçün bu iş yarımçıq qaldı.

Bizi hədələyir. Deyir ki, dayım polisdə işləyir. Biz bilmirik, bu uşaqla necə mübarizə aparaq”.

V. Ağalarovanın sözlərinə görə, həmin şagird normal ailənin övladı deyil: “Çünki 9 ildir bu məktəbdə oxuyur, amma nə atasını, nə də anasını tanımırıq. Bir neçə il əvvəl nənə-babasının evini tapdıq. Onlar da bizə dedilər ki, “biz o uşağı tanımırıq, heç tanımaq da istəmirik. Çünki gəlib bizdən oğurluq edir. Bizə bir nömrə verib valideyni kimi danışdırır. Amma polis dünən dedi ki, sizin danışdığınız adam heç onun anası deyil.

Müəllim neyləsin? Müəllimin, uşağa söz deyə bilmir. Bir söz deyən kimi müəllimi nə hala salırlar. Həmin görüntülərdəki müəllimə, çox savadlı bir insandır, illərin müəllimidir.

Biz günahı uşaqda yox, onun ailəsində görürük. Çünki tərbiyə ailədən gəlir. Günün 5-6 saatını uşaqlar məktəbdə olur. Qalan vaxtı ailəsi ilə keçirir”. 

# 8133
avatar

Oxşar yazılar