“Öncə Vətəndir” layihəsi həyata keçirilib
30 aprel 2022 08:24 (UTC +04:00)

“Öncə Vətəndir” layihəsi həyata keçirilib

“Rəvan” Gəncliyə Dəstək İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Öncə Vətəndir” layihəsi həyata keçirib.
Lent.az-ın məlumatına görə, layihənin məqsədi Azərbaycan Respublikasının Prezidenti, Ali Baş Komandan İlham Əliyevin Azərbaycan dövlətçiliyinin müdafiəsi və torpaqlarımızın azad edilməsi istiqamətində birmənalı və qətiyyətli fəaliyyətini təbliğ etmək, Vətəninə və xalqına bağlı gənclərin yetişməsinə töhfə vermək olub. 
3 ay davam edən layihə çərçivəsində Vətən müharibəsində qələbəni şərtləndirən amillər barədə araşdırma xarakterli 16 yazı sifariş edilib. Yazılar peşəkar ekspert tərəfindən baxıldıqdan və yazılarda çatışmayan məqamlar aradan qaldırıldıqdan sonra mətbuatda dərc edilib.
Layihənin uğurla həyata keçirilməsi nəticəsində xüsusən gənc nəsil Azərbaycan Respublikasının Prezidenti, Ali Baş Komandan İlham Əliyevin  Azərbaycan dövlətçiliyinin müdafiəsi və torpaqlarımızın azad edilməsi istiqamətində birmənalı və qətiyyətli fəaliyyəti, Vətən müharibəsində qələbəni şərtləndirən amillər barədə məlumatlandırılıb..
Bu da “Rəvan” Gəncliyə Dəstək İctimai Birliyinin vətənpərvərlik təbliğatına vətəndaş cəmiyyəti institutu kimi bir töhfəsi olub.

# 1818
avatar

Oxşar yazılar