Mənfi düşüncələr psixi və fiziki vəziyyətimizi ciddi şəkildə pisləşdirə bilər. Mənfi düşüncələr və həddindən artıq təfəkkür bəzən bizi tam şəkildə ələ keçirirmiş kimi hiss etdirir. Bu isə stressə, narahatlığa və hətta baş ağrısı, yuxusuzluq kimi fiziki simptomlara səbəb ola bilər. Ancaq belə vəziyyətlərlə mübarizə aparmağa və daxili tarazlığı bərpa etməyə kömək edən sadə üsullar mövcuddur.
Lent.az bu 10 üsulu təqdim edir:
1. Diqqətinizi yayın.
Oxumaq, gəzmək, musiqi dinləmək və ya dostlarla görüşmək kimi diqqəti yayındıran bir məşğuliyyət tapın. Beyni başqa bir fəaliyyətlə məşğul etmək düşüncə yüklənməsindən qurtulmağa kömək edir.
2. Meditasiya.
Meditasiya narahatlıq və stresi azaltmağa kömək edir. Nəfəsə və ya mantraya diqqət yetirərək artıq düşüncələri təmizləmək mümkündür.
3. Düşüncələrinizi şübhə altına alın.
Narahat və mənfi fikirlər yarananda özünüzdən soruşun: “Bu, həqiqətən, reallığa uyğundurmu?” Bəlkə də gələcək ilk düşündüyünüz qədər qorxulu deyil.
4. Nəfəs məşqləri edin.
Dərin nəfəs sakitləşdirir. 4–5 saniyəlik nəfəs alma və vermə ritmini sınayın.
5. Fiziki aktivlik.
Hətta sadə bir gəzinti belə əhvalı yaxşılaşdırır və fikri yayındırır. Fiziki fəaliyyət həmçinin yuxunun keyfiyyətini artırır ki, bu da emosional sağlamlıq üçün vacibdir.
6. Hisslərinizə fokuslanın.
Beş hissinizə diqqət yetirin: bu, sizi düşüncələrdən ayıraraq indiki ana geri qaytarır.
7. Dəftər tutun.
Düşüncələri yazmaq gərginliyi azaltmağa kömək edir. Bu, beyninizi fasiləsiz fikir axınından azad etməyin əla yoludur.
8. Planlaşdırın.
Əgər düşüncələriniz gələcəklə bağlı narahatlıqdan qaynaqlanırsa, plan hazırlayın. Tapşırıqları mərhələlərə bölün ki, həddindən artıq yüklənmə hissi yaranmasın.
9. “Narahatlıq vaxtı” təyin edin.
Koqnitiv-bihevioral terapiyada istifadə edilən bu metod, narahatlıqlar barədə düşünmək üçün müəyyən vaxt ayırmağı nəzərdə tutur. Bu, gün boyu ardıcıl narahat düşüncələrdən yayınmağa kömək edir.
10. Mühiti dəyişin.
Bəzən ətraf mühitin dəyişməsi düşüncələri dərhal dəyişdirir. Bu, həm təmiz havada gəzinti, həm də olduğunuz otaqda sadə bir dəyişiklik ola bilər. Bu üsullar stressi azaltmağa və mənfi düşüncələrlə mübarizə aparmağa kömək edir. Əgər problem davam edərsə, mütəxəssisə müraciət etmək daha yaxşıdır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
