Məktəblərdə günüuzadılmış qruplarla bağlı bütün suallara CAVAB

Məlum olduğu kimi, dövlət ümumi təhsil müəssisələrində günüuzadılmış qrupların təşkili qaydası təsdiq edilib.

Bu barədə Lent.az-a məlumat verən Təhsil Nazirliyinin ictimaiyyətlə əlaqələr sektorunun müdiri Cəsarət Valehov bildirib ki, günüuzadılmış qruplara I-IV sinif şagirdləri tədris ilinin əvvəlində həmin tədris ili müddətinə qəbul ediləcək:

- Hər qrupda şagird sayı 20-25 nəfərdən ibarət komplektləşdiriləcək,

- Qrup ödənişsiz əsaslarla fəaliyyət göstərəcək,

- Qrup bir sinfin, eyni paralel siniflərin və ya bir neçə sinfin şagirdlərindən təşkil ediləcək və bu zaman onların yaş xüsusiyyətləri nəzərə alınacaq,

- Qrupda məşğələlər sentyabrın 15-dən iyunun 14-dək aparılacaq,

- Tətil müddətləri ibtidai siniflərin tətil günlərinə uyğun, qrupda həftəlik dərs norması isə 30 saatdan çox olmayaraq müəyyən ediləcək.

- Şagirdin qrupa qəbulu və qrupdan xaric edilməsi valideynin (digər qanuni nümayəndənin) ərizəsi əsasında direktorun əmri ilə həyata keçiriləcək.