Lisey və gimnaziyalara qəbul imtahanlarının vaxtı  AÇIQLANDI
25 may 2021 15:46 (UTC +04:00)

Lisey və gimnaziyalara qəbul imtahanlarının vaxtı AÇIQLANDI

“Lisey və gimnaziyalara qəbulla bağlı sistem kifayət qədər asandır”.

Lent.az-ın məlumatına görə, bunu Təhsil Nazirliyinin lisey, gimnaziya və özəl ümumi təhsil müəssisələri ilə iş sektorunun müdiri Fuad Qarayev bildirib. Onun sözlərinə görə, sistem 2 gündür açılmasına baxmayaraq, artıq 3000-dən çox şəxs imtahan üçün qeydiyyatdan keçib:

“İyunun 16, 17, 18 və 21-də lisey və gimnaziyalara qəbul imtahanı olacaq. Başqa sözlə, imtahanlar tədris bitdikdən sonra keçiriləcək. Biz istəyirik ki, şagirdlərimiz yay tətilində rahat dincəlsinlər, çünki istidə imtahana hazırlaşmaq bəzən onlar üçün çətin olur. Ona görə də tədris müddəti bitdikdən dərhal sonra qəbul imtahanı keçirəcəyik. İyunun 16-da VI siniflərə qəbul keçiriləcək, bu, o deməkdir ki, hazırda V sinifdə oxuyan şagirdlər imtahan verəcək. İyunun 17-də V siniflərə qəbul imtahanı olacaq, yəni hazırda IV sinifdə oxuyan şagirdlər üçün. İyunun 18-də VII siniflərə qəbul olacaq, yəni hazırda VI sinifdə oxuyanlar üçün. İyunun 21-də isə VIII və IX sinifdə oxuyan şagirdlər üçün qəbul imtahanı olacaq, bu, o deməkdir ki, imtahan hazırda VII və VIII sinifdə oxuyanlar üçün keçiriləcək. Hazırkı qərara görə, həftəsonları ictimai nəqliyyat işləmir. İyun ayında nələrin baş verəcəyini hazırda bilmirik. Ona görə də tarixləri həftəiçi günlərə təyin etmişik”.

# 3261
avatar

Oxşar yazılar