“Ananın icazəsi olmadan xəstəxanalarda körpələrə süni qida verilməsi qanunsuzluqdur”.
Lent.az məlumat verir ki, bu sözləri Səhiyyə Nazirliyinin Səhiyyənin təşkili şöbəsinin məsləhətçisi Aynurə Zeynalova deyib. O bildirib ki, körpələrə süni qida vermək üçün mütləq anadan icazə alınmalıdır:
“Bəzən elə olur ki, reanimasiyadakı ana uşağını südlə doyura bilmir. Bu vəziyyətdə və çox az istisna hallarda onlara süni qida vermək olmaz.
Anaların südü tam şəkildə 7-10 gün ərzində bərpa olur. İlk günlər analarda olan süd körpəyə bəs edəcək qədərdir. Bəzən pediatrlar deyirlər ki, qadın iki-üç gündür ana olub və onun südü körpəyə bəs deyil. Bu, tamamilə yanlış fikirdir”.
A.Zeynalova əlavə edib ki, körpəyə süni qida verilməsi xəstəxana və ananın birgə qərarı əsasında baş tuta bilər:
“Əgər ananın icazəsi olmadan körpəyə süni qida verilərsə, ananın haqqıdır ki, bundan şikayətçi olsun. Bu barədə ana Səhiyyə Nazirliyinə, İcbari Tibbi Sığorta üzrə Dövlət Agentliyinə müraciət ünvanlaya bilər”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
