26 may 2021 15:57 (UTC +04:00)

DYP "Formula-1"lə əlaqədar sürücülərə müraciət etdi

Bakı şəhər Dövlət Yol Polisi İdarəsi "Formula 1" Azərbaycan Qran Prisi ilə əlaqədar sürücülərə müraciət edib.

Lent.az xəbər verir ki, idarənin şöbə rəisi, polis polkovniki Vaqif Əsədov "Formula 1" Azərbaycan Qran Prisi ilə əlaqədar yarışalrın keçiriləcəyi küçələrin adlarını çəkib:

Bakı şəhər Dövlət Yol Polisi İdarəsinin şöbə rəisi Vaqif Əsədov

"Trek Azadlıq Meydanından başlayaraq Aleksandr Puşkin ilə Xəqani küçələri, Bülbül prospekti, Zərifə Əliyeva və Rəsul Rza küçələri, Neftçilər prospekti ilə Əziz Əliyev küçəsindən keçərək Qoşa-Qala qapısı, Gənclər Meydanı və İstiqlaliyyət küçəsi ilə Niyazi küçəsinə çıxmaqla “Azneft” dairəsindən Dənizkənarı Bulvar boyu Neftçilər prospekti ilə nəzərdə tutulub".

Şöbə rəisi, sürücüləri alternativ yollardan istifadə etməyə çağırıb:

"Bununla əlaqəli bu istqamətə Kövkəb Səfərəliyeva, Rixard Zorge, Aleksandr Puşkin, Rəşid Behbudov, Bülbül, Səməd Vurğun, Teymur Elçin, Mehdi Hüseyn, Lermantov, Mirzə Fətəli Axundov adına parka və onun ətrafı olan küçələr, Bünyad Sərdarov, Azərbaycan prosipekti, Mikayıl Hüseynov, Zərgər Palan, Murtuza Muxtarov, Şeyx Şamil, Afiyəddin Cəlilov və Yusif Səfərov küçələri 31 may tarixindən mayın 8-dək bu istqamətlər üzrə hərəkətdə olan avtomobil sürücülərinə müraciət edirik ki, istiqamətin dəyişdirilməsini nəzərə alsınlar. Ən yaxşı halda isə bu ərəfədə ictimai nəqliyyat vasitələrindən istifadəyə üstünlük versinlər".

# 900
avatar

Mehman Nəbiyev

Oxşar yazılar