Lent.az -ın əməkdaşının hadisə yerindən çəkdiyi videoları təqdim edirik:
Saat 15:30
Bakının Nəsimi rayonu, 28 may küçəsindəki tarixi binanın üzərində əlavə tikinti işləri aparılaraq qurulan mansard sökülür.
Bakı Şəhər İcra Hakimiyyətindən Lent.az-a verilən məlumata görə, mansardın sökülməsinə səbəb tikilinin sənədlərinin olmamasıdır.
“Bu tarixi binanın mansardı 2016-cı ildə tikilib. Vətəndaşların müraciəti əsasında Bakı Şəhər İcra Hakimiyyəti tərəfindən bu gün sökülməsi ilə bağlı qərar verilib. Həmin işi aparanlar müəyyən olunacaq və qanuna uyğun cəzalandırılacaqlar”.
Qeyd edək ki, ötən gün bu barədə tanınmış memar Elçin Əliyev sosial şəbəkədə məlumat yayıb. O, sözügedən yeni tikilinin fotolarını feysbukda paylaşaraq binada qanunsuzluğa yol verildiyini qeyd edib. Memarın sözlərinə görə, 1908-ci ildə tikilən bu bina Azərbaycan ərazisində dövlət mühafizəsinə götürülmüş daşınmaz tarix və mədəniyyət abidələrinin siyahısına daxil edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
