(R) Uşaq evlərində “Çudo Peçka”lı Qurban Bayramı
30 oktyabr 2012 11:48 (UTC +04:00)

(R) Uşaq evlərində “Çudo Peçka”lı Qurban Bayramı

“Çudo Peçka” şirkəti Qurban Bayramını uşaqlar evində keçirib. Şirkət rəhbərliyinin təşkilatçılığı ilə bir qrup əməkdaşı “Çudo Peçka”nın istehsal etdiyi məhsullardan ibarət sovqatla əqli və fiziki məhdudiyyətləri olan uşaqlar üçün internatları ziyarət edib.

Onlar əvvəlcə Mərdəkan qəsəbəsində yerləşən Əqli qüsurlu uşaqlar üçün 3 saylı İnternat Evində olublar. “Çudo Peçka”nın özü ilə apardığı şən klounlar uşaqları əyləndirib, onlarla birlikdə rəqs ediblər. Daha sonra isə şirkət əməkdaşlarının özləri ilə apardıqları şirniyyatlarla birlikdə bayram süfrəsi açılıb və Qurban Bayramı qeyd olunub.

“Çudo Peçka”nın əməkdaşları bayram ərəfəsində həmçinin Şüvəlan qəsəbəsində yerləşən Sağlamlıq İmkanları Məhdud Uşaqlar üçün 12 nömrəli Xüsusi İnternat Məktəbini ziyarət ediblər. Burada da klounlar uşaqları əyləndirib, “Çudo Peçka” məhsullarından ibarə şirniyyat süfrəsi açılıb, bayram birlikdə qeyd olunub.

Ümumilikdə “Çudo Peçka” uşaq evlərində bayram əhval-ruhiyyəsini daha da artırıb. Şirkət əməkdaşları uşaqlarla tezliklə yenə görüşəcəklərinə söz veriblər.
# 1846

Oxşar yazılar