Dərs vəsaitlərinin monitorinqini həyata keçirmək üçün seminar keçirilir

“Tələbə Qəbulu üzrə Dövlət Komissiyasında ümumtəhsil fənləri üzrə dərslik, dərs vəsaiti və digər tədris vasitələrinin monitorinqini həyata keçirmək məqsədilə oktyabrın 23-dən ibtidai sinif dərslikləri üzrə elmi-metodiki seminarlar öz işinə başlayıb”. Bu barədə Lent.az-a açıqlamasında qurumun mətbuat katibi Elnur Nağızadə bildirib.

Onun sözlərinə görə, TQDK-nın Naxçıvan, Gəncə, Lənkəran, Şəki və Quba regional bölmələrində həmin bölgələri təmsil edən müvafiq fənn müəllimlərinin iştirak etməsi nəzərdə tutulan elmi-metodiki seminarlar da eyni vaxtda öz işinə başlayır və eyni qrafiklə fəaliyyət göstərir.

”Seminarlarda iştirak etmək arzusunda olanlar TQDK-nın ümumtəhsil fənləri üzrə dərslik, dərs vəsaiti və digər tədris vasitələrinin monitorinqi şöbəsinə, bölgələrdə isə Komissiyanın regional bölmələrinə müraciət edib qeydiyyatdan keçməlidirlər” - deyə, E. Nağızadə əlavə edib.

Anar