“İki körpəni anasız qoymayaq” - AKSİYA

Müğənnilər, aparıcılar və digər tanınmış simalar yardım üçün bir araya gəlib. Lent.az-n məlumatına görə, bir həftədən çoxdur ki, sosial şəbəkələrdə, informasiya agentliklərin də jurnalist Murad Hüseynovun həyat yoldaşı, iki azyaşlı körpənin anası Gülər Məmmədovanın ağır xəstəliyə düçar olması barədə xəbərlər yayılıb. Özü də jurnalist olan Gülər Məmmədovanın həyatını xilas etmək üçün onun əməliyyatına lazım olan məbləği toplamaq məqsədi ilə “Park Bulvar” alış-veriş mərkəzində yardım aksiyası keçirilib. Tədbirə qatılan jurnalistlər, xalq artisti Flora Kərimova, əməkdar artist Ədalət Şükürov, müğənnilər Röya Ayxan, Elnarə Xəlilova və tanınmış digər şəxslər çıxışlarında “İki körpəni anasız qoymayaq” çağırışını ediblər.

Qeyd edək ki, 2 yaşlı Osmanın, 4 aylıq Ayanın anası Gülər ağır xəstədir. Ona qan xərçəngi diaqnozu qoyulub və hazırda müalicə olunması üçün Türkiyənin İstanbul şəhərindəki xəstəxanadadır. Onun müalicəsi üçün 120 min dollar lazımdır. Bu məqsədlə sosial şəbəkələrdə və bəzi yerlərdə dəstək aksiyası keçirilir.

Yalçın Süleymanov