Soydaşımız İngiltərədə tibb sahəsində nüfuzlu mükafata layiq görülüb

Diasporla İş üzrə Dövlət Komitəsinin mətbuat xidmətindən Lent.az-a verilən məlumata görə, Sait Aşina bu mükafata ABŞ-ın Nyu-York şəhərindəki Albert Eynşteyn Universitetində apardığı elmi tədqiqatların uğurla nəticələnməsi və miqren üzrə yeni kəşfinə görə layiq görülüb.

Bu kəşf gələcəkdə həkimləlrin xroniki miqrenin müalicəsində yeni yollar və uğurlu müalicəyə zəmin yaradır. Mükafatı həmyerlimizə Avropa Baş Ağrıları Federasiyasının prezidenti, professor Dominik Valade və “Journal of Headache and Pain” elmi jurnalının baş redaktoru, Roma Universitetinin professoru Paolo Marteletti təqdim ediblər. Konqresdə Harvard Universitetinin professoru Cilfford Vulf, Kaliforniyanın Los-Anceles Universitetinin professorları Alan Rapport və Endrü Çarlz, Kopenhagen Universitetinin professoru Yes Olesen çıxış edərək soydaşımızın tədqiqatını miqren üzrə tibb elminə yeni uğur olduğunu söyləyiblər.

Qeyd edək ki, Sait Aşina Bakıda anadan olub, orta məktəbi bitirdikdən sonra Danimarkada Kopenhagen Tibb Universitetini bitirib. Hazırda o Nyu-Yorkda Albert Eynşteyn Tibb Universitetində tədqiqatlarını davam etdirir, eyni zamanda Manhettendə Beth İsrael Mərkəzinin nevrologiya və anesteziologiya kafedrasının dosenti və Baş ağrıları proqramının direktorudur.