Ağsu aşırımında torpaq sürüşməsi təhlükəsi –
20 sentyabr 2012 13:12 (UTC +04:00)

Ağsu aşırımında torpaq sürüşməsi təhlükəsi –

Ağsu aşırımında ağır tonnajlı nəqliyyat vasitələrinin hərəkəti sürüşmə prosesini sürətləndirir. Bu yolla yük avtomobillərinin və sərnişin avtobuslarının hərəkəti məhdudlaşdırılsa da yük maşınları qadağaya məhəl qoymur. APA-nın məlumatına görə, bunun üçün aşırımın aşağı və yuxarı hissələrində şlaqbaumlar qoyulsa da, bir neçə gündür onlar açılıb və ağır tonnajlı avtomobillərin hərəkətinə şərait yaradılıb.

Ağsu aşırımının yuxarı və aşağı hissələrində, yəni Bakı-Şamaxı-Yevlax avtomobil yolunun 142 və 156-cı kilometrliyində çəkisi 3.5 tondan yuxarı olan avtomobillər üçün yolun bağlı olduğunu göstərən plakatlar qoyulsa da, buna məhəl qoyan yoxdur. Ağsu aşırımının 10-a yaxın yerində böyük sürüşmə sahələri mövcuddur və ağır yük avtomobillərinin həmin ərazilərdən intensiv keçməsi sürüşməni aktivləşdirir. Yola cavabdeh təşkilat olan Ağsu rayon Yol İstismar İdarəsinin rəhbər şəxsləri məsələyə münasibət bildirmək istəməyiblər.
# 1897

Oxşar yazılar