Prezident Beynəlxalq Mülki Müdafiə Təşkilatının baş katibini qəbul edib - YENİLƏNİB

Bu gün Azərbaycan prezidenti İlham Əliyev Beynəlxalq Mülki Müdafiə Təşkilatının baş katibi Vladimir Kuvşinovu qəbul edib. Lent.az AzərTAc-a istinadən xəbər verir ki, dövlət başçısı sabah Bakıda keçiriləcək Azərbaycan sı Fövqəladə Hallar Nazirliyinin Akademiyasının yaradılmasının 10 illiyi ilə bağlı tədbirin və Beynəlxalq Mülki Müdafiə Təşkilatının baş katibinin bu tədbirdə iştirakının önəmini qeyd edib.

Prezident İlham Əliyev Azərbaycan ilə Beynəlxalq Mülki Müdafiə Təşkilatı arasında uğurlu əməkdaşlığın bundan sonra da davam edəcəyinə əminliyini ifadə edib.

Beynəlxalq Mülki Müdafiə Təşkilatının baş katibi V. Kuvşinov sabah Bakıda keçiriləcək Azərbaycan Fövqəladə Hallar Nazirliyinin Akademiyasının yaradılmasının 10 illiyi ilə əlaqədar tədbirdə iştirakından məmnunluğunu ifadə edib. Eyni zamanda Fövqəladə Hallar Nazirliyi ilə rəhbərlik etdiyi qurum arasında imzalanacaq informasiya mübadiləsi reqlamentinin əməkdaşlığın möhkəmləndirilməsi baxımından əhəmiyyətini qeyd edib. V. Kuvşinov bildirdi ki, Azərbaycan Beynəlxalq Mülki Müdafiə Təşkilatının fəal üzvlərindən biridir və ölkəmiz bu təşkilatın strateji inkişafla bağlı fəaliyyətinə öz töhfəsini verir.

Söhbət zamanı Azərbaycanda mülki müdafiə sahəsində həyata keçirilən işlərdən danışılıb, əməkdaşlığın perspektivləri ətrafında fikir mübadiləsi aparılıb.

xxxxx

15:52

Prezident İlham Əliyev Beynəlxalq Mülki Müdafiə Təşkilatının baş katibi Vladimir Kuvşinovu qəbul edib. Lent.az xəbər verir ki, bu barədə AzərTAc məlumat yayıb.