Paşinyan Azərbaycanla razılaşmanın əhəmiyyətindən danışdı

Dəmir yolu xəttinin tikintisinə dair Azərbaycanla əldə olunan razılaşmaların reallaşması ilə regionda siyasi, iqtisadi mühit, eləcə də təhlükəsizlik mühiti dəyişəcək.

Lent.az APA-ya istinadən xəbər verir ki, bu barədə Ermənistanın Baş naziri Nikol Paşinyan hökumətin iclasında bildirib.

Baş nazir razılaşmanın əhəmiyyətinə toxunub.

“Bu, mühüm sazişdir və ümid edirəm ki, biz onu dəqiqliklə icra edəcəyik. Bu, regionda iqtisadi, siyasi mühiti, eləcə də təhlükəsizlik mühitini dəyişəcək mühüm layihədir”, - N. Paşinyan qeyd edib.

Nikol Paşinyanın sözlərinə görə, tərəflər ümumi yanaşmanı formalaşdırmağa, eyni zamanda, fikir ayrılıqlarını aradan qaldırmağa çalışacaqlar.