"İnstitut direktoru əməkdaşın kitabını öz adına çap edir" - Siyavuş Novruzov

İnstitut direktoru əməkdaşın, elmi rəhbər digərinin kitabını, məqaləsini öz adına çap edir”.

Lent.az-ın APA-ya istinadla məlumatına görə, bunu bu gün Milli Məclisin iclasında “Müəlliflik hüququ və əlaqəli hüquqlar haqqında” qanunda dəyişiklik edilməsi barədən layihənin birinci oxunuşda müzakirəsi zamanı parlamentin komitə sədri Siyavuş Novruzov bildirib.

S. Novruzovun sözlərinə görə, bəzən kitablara baxanda məlum olur ki, bir adam bir gündə 70-80 səhifə yazıb: “Bu da mümkün deyil. Bir adam bir gündə 3 səhifə, uzağı təbii gələr, 10 səhifə yazar, daha 70-80 səhifə yox. Yəni gündə 70-80 səhifə yazılıbsa, plagiatdır. Ona görə də müəlliflik hüququ ilə bağlı məsələlərə diqqət ayrılmalıdır”.

Komitə sədri nəzərə çatdırıb ki, bu gün kitab çapı ilə bağlı çoxsaylı müraciətlər olur: “Bizə də müraciətlər olur. Ancaq hazırda kitab çapının müxtəlif formaları var. Elektron qaydada internetdə yerləşdirilə və pulunu ödəməklə insanlar o kitabla tanış ola bilərlər”.