Bryus Feyn: “Dağlıq Qarabağda atəşkəsi pozan tərəf hərbi və iqtisadi embarqo ilə hədələnməlidir” – MÜSAHİBƏ

- 24 Aprel qondarma erməni soyqırımının ildönümü yaxınlaşdıqca Ermənistanın beynəxalq birlik qarşısında neqativ təkidlə irəli sürdüyü tələb yenidən gündəmə gəlir. Bu barədə nə fikirləşirsiniz?

- Ermənistanın geriyə nəzər salaraq irəli sürdüyü tələb beynəlxalq münasibətləri dondurur. Türkiyə isə təklif edib ki, I dünya müharibəsi zamanı Osmanlı İmperiyaslnda ermənilərə münasibəti düzgün qiymətləndirmək üçün müvafiq arxivlərə daxil olmaq imkanı olan müstəqil ekspert qrupu yaradılsın. Bununla da Türkiyə irəliyə baxdığını sübut edib.

- Regionun müsəlman ölkələri olan Azərbaycan və Türkiyə belə bir problemlərlə Avropa institutlarına inteqrasiya edə bilərlərmi?

- Avropa İttifaqı üzv ölkələrin milli qanunvericiliyi və Aİ Konstitusiyasının maddələri vasitəsilə müsəlmanların əleyhinə və xristianların lehinə olan qeyri-obyektiv mövqe tutub. Fransada Milli Cəbhənin genişlənməsi buna misal ola bilər.

- Rusiya və İran kimi qonşuları olan dövlətlər üçün Avropya inteqrasiya etmək mümkündürmü?

- Mən gələcəkdə İran ya da Rusiyanın Avropa İttifaqına üzv olmaq istəyəcəyini düşünmürəm.

- Bəzi analitiklər deyirlər ki, Qərb Rusiyanın Ermənistan üzərində nüfuzunu zəiflətməyə calışacaq. Bu həqiqətə uyğundurmu?

- Ermənistanın kövrək siyasi quruluşu fonunda Rusiyanın bu ölkə üzərində nüfüzunun zəifləmə ehtimalını görmürəm. Onları birləşdirən ümumi xristian bağları var və Rusiya həm də ABŞ və NATO-ya dost olan ölkələrlə əhatələnmək istəmir.

- Bir qədər əvvəl beynəlxalq təşkilatlar yeni Qarabağ müharibəsinin mümkünlüyü ilə bağlı narahatlıqlarını bildirmişdilər. Sizin fikrinizcə, bunun qarşısını almaq üçün nə etmək lazımdır?

- BMT Təhlükəsizlik Şurası Qarabağda atəşkəsi pozan istənilən tərəfi hərbi və iqtisadi embarqo ilə hədələməlidir.