Yaxşı yatmaq üçün axşamlar BUNLARI YEYİN

Dietoloqlar yaxşı yuxuya getmək üçün kömək edəcək üç meyvəni açıqlayıblar.

Lent.az xəbər verir ki, ən birincisi axşam yeməyi ağır olmamalıdır. Hətta meyvə yeyilməsi daha məsləhətdir.

Bildirilir ki, gilas, kivi və banan yuxu keyfiyyətini yaxşılaşdırır.

Araşdırmaya görə, onlar şəkər əlavə edilməmiş albalı şirəsinin yuxusuzluğa kömək etdiyini aşkar ediblər. Alimlərin fikrincə, albalıların tərkibində sirkadiyalı ritmi tənzimləyən melatonin istehsalını və ya yuxu-oyanma dövrünə cavabdeh olan prosesi təşviq edən triptofan var.

Kivinin qidalandırıcı xüsusiyyətləri - serotonin və fol turşusu da yuxu keyfiyyətini yaxşılaşdıra bilər. Sonuncu, serotonin və dopaminin sintezi üçün vacibdir, onların balanssızlığı depressiyanın inkişafına səbəb ola bilər.

Nəhayət, banan da yaxşı yuxuya kömək edir. Onlar maqnezium, zülal və B6 vitamini ehtiva edir və serotonin istehsalını təşviq edirlər.