Sağlamlığa ziyan vuran səhər vərdişləri

Özünüzün və yaxınlarınızın əhval-ruhiyyəsini pozmamaq üçün səhərə sakit, tələsmədən və əsəbsiz başlamaq daha yaxşıdır. Bunun üçün səhər yeməyini vaxtında yemək də eyni dərəcədə vacibdir...

Mütəxəssislər təkcə bütöv günü deyil, həm də sağlamlığınızı korlaya biləcək səhər vərdişlərini açıqlayıblar.

Lent.az həmin səhər vərdişlərini təqdim edir:

Səhər yeməyini yeməmək maddələr mübadiləsini poza, daxili orqanlarınızı ləngidə, enerjidən məhrum edə və emosional vəziyyətinizə mənfi təsir göstərə bilər. Alimlər bu vərdişin sağlamlığa çox zərərli olduğunu dəfələrlə sübut ediblər.

Məlum olub ki, səhər yemək yeyən insanlar daha tez kalori yandırır və artıq çəki alma ehtimalı daha azdır. Üstəlik, bu insanlarda qan qlükoza səviyyəsi aşağıdır. Həmçinin alimlər səhər yeməyini atlayan insanların ürək-damar xəstəliklərindən ölüm riskinin artdığını bildiriblər.

Yeməkdən əvvəl qəhvə mədənin işinə mənfi təsir göstərir. Bundan əlavə, Britaniya alimləri qara qəhvənin qanda qlükoza səviyyəsinə təsir etdiyini müəyyən ediblər. Buna görə səhər yeməyindən əvvəl içməməlisiniz. Yemək zamanı və ya ondan sonra bir-iki fincan içmək daha yaxşıdır.

Səhər yeməyi üçün şirə həkimlər tərəfindən pis qərar hesab olunur. Xüsusən də mağazada paketdən alınan şirələr buna daxildir. Belə bir içkidə az miqdarda vitamin və qiymətli iz elementləri var. Amma eyni zamanda onların tərkibində çoxlu şəkər var.

Alimlər səhərlər belə içkilərdən istifadənin şəkərli diabetin inkişaf riskini artırdığını müəyyən ediblər. Odur ki, səhər yeməyindən sonra şirələr əvəzinə bir az giləmeyvə və ya meyvə yemək daha məsləhətlidir.